روايه كامله
و مع بعض دايما في كل الخروجات و في كل الحفلات كنت موجودة قدامه طول الوقت كنت دايما جانبه لكن مكانش شايفني كنت دايما مستنيه منه كلمة كلمة واحدة بس بحبك
كلمة بحبك لما بتيجي متأخر بيكون فات الأوان على أنها تغير حاجة.
دخلت الشركة اللي إحنا التلاتة برضو متعينيين فيها أو بمعنى أصح اللي أنا اتعينت فيها من بعده عشان أبقا قريبة منه أبقا جانبه و شيفاه دايما و يا ريتني ما مشيت ورا قلبي عشان الشخص اللي حبيته من تلات سنين حب بنت مدير الشركة و اتجوزها و كنت بشوفهم كل يوم و هما ماسكين إيد بعض و داخلين من باب الشركة كان قلبي پيتحرق زي الفحمة و بيتعصر و ېصرخ من غير صوت لكن عمري ما اتمنيت ده يحصل عمري ما اتمنيت إنه هو قلبه يوجعه بالشكل ده .
صباح الجبنة الكيري يا معذبة تفكيري
رديت عليه و كتبتله
بلدي أنت أو على فكرة
بعتلي ايموشن ضحكة و بعدين كتب
طب تيجي نشرب اتنين قهوة يمكن تحبيني في سهوة
ف كتبتله
تيجي تحل عن دماغي يمكن معملش فيك شاكوة
عدت ثواني لقيته معادش رد و هوب لقيت صوته ورايا
لفيت بالكرسي و قولتله...
أنت مش وراك شغل
لاء ورايا كرسي
اتنهدت و قولتله
عايز إيه يا كريم
بجد مش عارفه
ده مكان شغل
الأماكن بتتغير لكن القلوب لاء
و من إمتى ما لو سما مراتك متوفتش مكنتش هتشوفني أصلا!
بس أنا مبتكلمش عني ..
تقدري تنكري إنك بتحبيني
للحظات بنكون عايزين ننسى كل حاجة و نتاخد و نعيط للحظات بنكون مش عايزين كلمة عايزين من حد بنحبه.
علي صوتك
رفعت صوتي و قولت پغضب
مبحبكش سمعتني مبحبكش
حطي عينك في عيني و قوليها
إذا تفوه فمي بتلك الكذبه كيف ستكذب عيني و هي تفيض بحبك !
حطيت وشي في الأرض بحاول اداري عيوني
قولي إنك مبتحبنيش ..
سناء ! فيه إيه مالك !
مفيش حاجة مفيش
قولتها و سيبتها و مشيت
الذكريات حلوة كانت عنيه أحلا و ريحه برفانه و نظرات عنيه الذكريات حلوة بس مؤلمة ليه الذكريات مبتتنساش و متبقاش ذكريات ليه في بعده و في قربه قلبي عايز يعيط !
..
دخلت البيت و أنا كلي حزن و ملل ملكة جمال البائسات
ماما فهماني كويس جدا و طول الوقت بتحاول تضحكني ماما عارفه إن كنت بحب كريم من زمان ماما عكسي تماما ست فرفوشة في عز ضعفها بتضحك و ده معرفتش اتعلمه منها مبقدرش أضحك و أنا ضعيفة و محتاجه أعيط
قالتلي نروح السينما و أنا مكنتش راضيه لكنها أصرت عليا و فعلا روحت معاها دخلنا السينما و اخدنا كرسيين قبل ما الفيلم يبتدي
فقولتله لو سمحت ماما قاعدة هنا!
ف
شال النضارة من على عنيه و غمزني اتفاجأت إنه كريم و لسه بستوعب و مش عارفه أقول إيه
سبقني و قال ماما مشت خلاص
مشت راحت فين!
روحت واضحة يعني
هو إيه اللي روحت!
أصل حماتي هي اللي اتفقت معايا إني أخرجك و أفسحك و كدة
مامتك ركزي بقا
مو يتنفخك يومك أسود على دماغك
ليه الغلط ده طيب!
قومت و انا مټعصبه و عايزه امشي فوقعت عليه ف اتحرجت
فقال و هو بيبتسم اهي دي بقا الرومانسية بتاعة السيما اللي بيقولوا عليها
اتحرجت أكتر و أتضايقت أكتر و أكتر و قومت و قعدت مكاني و بصتله پغضب
فمد قدامي فيشار و قال
تاكلي فشار
شكرا مش عايزه
على فكرة أنا عارف الفيلم ده بس مش هحرقهولك
شكرا يبقا كتر خيرك لو سكتت شوية
فيه لقطات خادشة للحياء
ممكن تسكت
البطل والبطلة الوقتي
غمضت عيني بسرعة
ثواني سريعة
و فتحت عنيا لقيته بيبصلي و بيبتسم بصيت على شاشة السينما لقيت مشهد عادي جدا رجعت بصتله فقالي
هو أنا ينفع أقولك إنك حلوة و انتي مغمضة عنيكي
و وحشة و أنا بعيط فكنت وحشة لوقت طويل .. معندكش فكرة
كنت وحشاني لوقت طويل
بتحاول تجرب سحرك بكلام رومانسي عليا
بحاول أقولك اللي في قلبي
و بعدين
و بعدين يرجع القدر الحكاية لأصلها
و إيه هي الحكاية
إتنين بيحبوا بعض تخلص المناهدة و الجري و الفرهدة و تضيع الوقت و ساعات من الۏجع و سنين من الفراق كل ده يخلص و تبدأ حكاية حلوة .. حلوة زيك
الحكايات مش بالبساطة دي
تاكلي فيشار
حطيت إيدي في علبة الفيشار و في اللحظة دي مسك إيدي جوا العلبة
حاولت أفلت إيدي رغم عن ما يبدو من إني مش عايزه إيدي تبعد عن إيديه في اللحظة اللي بحاول فيها ابعد إيدي طلع قدامي مشهد مرعب في الفيلم فمسكت في إيديه جامد لدرجة إن ضوافري علمت في إيديه راسي اللي دفستها في كتفه من الخۏف وقع منها صراعات نسيت كل الحزن و الزعل كأني اتولدت حالا في اللحظة دي و لقيت دماغي على كتفه الحب بالبساطة دي أحيانا.
فتحت عنيا بعد تقريبا 5 دقايق من أجمل 5 دقايق في حياتي
حسيت إن الإنسان ممكن يبقا سعيد طول حياته بسبب خمس دقايق !
اتعدلت مكاني بخجل و بصتله كان بيبصلي بسكوت تام لقيتني لسه ماسكه إيديه جامد كأني بقوله متسبنيش بس برضو أنا اللي سحبت إيدي براحه كأني بقوله سيبني كأنه إنفصام في عقلي لأن قلبي متفق عليه أنه بيحبه بكل قواه القلبيه.
خلص الفيلم و خرجنا من السينما ركبنا العربية شكله چنتل و هو بيفتحلي باب العربية و
كمان و هو سايق شكله حلو و حركة إيديه و هو عايز يمسك إيدي بس بيلهي نفسه ف عمال يحرك صوابعه كانه بيلحن على بيانو كنت ساكته فقرر يخرجنا عن إطار الهدوء السائد حوالينا و قال
الفيلم عجبك
مبحبش أفلام الړعب
عارف المرة الجايه هجيبك فيلم كارتون
عارف منين .. لاء استنا مرة جايه إيه !
المرة الجايه لما نيجي السينما
مين قالك إن فيه مرة جايه
قلبي بيقولي
متسمعلوش
قصدك أعمل زيك
زيي إزاي
مسمعش لقلبي أهرب من قلبي أخبي في مشاعري و أمثل الثبات.
مفيش عندي مشاعر أخبيها
كنت حلوة و انتي خاېفة و ماسكة في كتفي
مش هتتكرر تاني
مش بمزاجك
بمزاج مين أنت
بمزاج قلبك
سيب إيدي يا كريم سيب إيدي
اتعصبت و فلتت إيدي من إيده و من غير قصد و بدون وعي ضړبته بالقلم على وشه في اللحظة دي منطقش ب ولا حرف
و أنا نزلت من العربية و مشيت كام خطوة و أنا بعيط بعيط من حبي له بعيط من الحقيقة اللي واجهني بيها
فضل في عربيته بيبص عليا و أنا وقفت تاكسي كنت في التاكسي و شيفاه في المرايه ماشي ورايا لحد ما وصلت للبيت نزلت من التاكسي طلعت بسرعة البيت و دخلت أوضتي و بعدين دخلت البالكونه لقيته لسه قاعد في عربيته تحت البيت لقيت دموعي بتنزل تلامس ساقعة الهوا الساقعة اللي محاوطه قلبي.
روحت تاني يوم الشغل و أنا تقريبا معيطة بتاع خمس ست ألفين مرة لا عارفه أخبي دموع عيني ولا ۏجع قلبي و انا رايحة عند مكتبي لقيت مروة زميله معايا في الشغل كانت بتبصلي بتمعن و بعدين
قالت
عنيكي مالها مورمة كدة
لا عادي منمتش كويس بس
هعمل قهوة اعملك معايا
يا ريت والله
خلاص روحي و أنا هعمل القهوة و هاجي عايزه أدردش معاكي
طيب
روحت على مكتبي لقيت بوكيه ورد ف اتنهدت عارفه إنه من كريم و شيلت البوكيه و قرأت الرسالة اللي معاه
صباح الخير بك و بدونك لا صباح لي و لا خير .. لست جيدا في كتابة الأشياء الرومانسية ولا جيدا في الإعتذار حتى و لكن أنا أسف و غبي و أحبك و أحمق
رغم كل الۏجع اللي بنحس بيه رغم كل الدموع و الإنهيار و الدوشة و الصراعات كلمة حلوة بسيطة ممكن تيجي تهد كل ده ببساطة.
ابتسمت و حطيت الرسالة في شنطتي جت مروة و هي ماسكة كوبايتين القهوة و حطت واحدة قدامي و قعدت قصادي و قالت
أي خدمة
مش
عارفه أودي جمايلك دي فين
لقيت مروة مسكت بوكيه الوردة و بتقول الله الله و بقا بيجيلنا بوكيهات ورد والعه معاكي
ولا والعه ولا حاجة دا اتبعت هنا بالغلط
عليا .. ما تحني على عم روميو شوية ياست چولييت
حاولت اتهرب و قولت
قصدك مين
كريم .. كل اللي في الشركة واخدين بالهم إنه مهتم بيكي و عاملك فيها روميو و شوية هيجيب شجرة و يطلعلك عليها و يقولك فيحاء
سيبك من المواضيع دي خلينا في الشغل
انتي حرة بس لو منك هحنن قلبي عليه
سرحت و قولت
لو مني هتتعبي مش هتقدري تتحملي اللي انا اتحملته ل سنين كتيرة أوي كلها عدت في حړقة قلبي
..
خلصت شغلي كنت ناوية أخد أجازة من الشغل أسبوعين و أبعد شوية عن مطاردات كريم و فعلا روحت للمدير و طلبت منه يديني أجازة و وافق ..
كنت مفكرة إن في الأجازة دي هقدر أريح دماغي فيها شوية بس أكتشفت إن مفيش مفر
الحب زي المۏت مفيش منه مفر عدا يوم كنت قاعدة بليل في البرندا و في إيدي فنجان القهوة مع كل رشفه قهوة كنت بفتكر ذكرى معاه بفتكر إزاي محبنيش في أيام الجامعة و الوقتي حبني إيه اختلف ! بفتكر إزاي كنت هبلة و عبيطة و بحبه لسنين من غير ما يعرف ولا يحس ليه جاي الوقتي
فجأة لقيت رسايل كتير جدا صوت الإشعارات بتقول كدة فتحت الفون
لقيت رسايل من كريم
فينك يا هانم
ازاي تاخدي اجازة من غير ما تسأليني
قصدي تعرفيني
هو أنا قرطاس جوافة في الشركة دي
فينك
طب إيه رأيك في الورد
كتبتله ممكن كفاية بقا
كتبلي انزلي
انزل فين!
بصي من البالكونة
طلعت البالكونة بسرعة لقيته واقف تحت برأت و لقيته بيبصلي و بيبتسم بعدين شاورلي ب إيديه
و بعدين لقيته بيرن
فرديت و قولتله بعصبية انت اټجننت في دماغك
فرد بكل برود اټجننت في قلبي
انت جاي هنا تهبب إيه
جاي أهبب أثبتلك إني بحبك
طب امشي الوقتي لو سمحت
مش همشي إنزلي
مش نازله
خلاص هطلع أنا
تطلع فين ! استنا
هعد لتلاتة واحد إتن ...
قفلت السكة في وشه و حطيت الچاكيت عليا و نزلت تحت العمارة كان قاعد في عربيته و لما شافني نزل وقف جنبها روحت عنده و أنا مټعصبه ف سبقني بالكلام و قال
قبل ما تزعقي أنا جاي أقولك إني بحبك و مستعد أعمل أي حاجة هتطلبيها عشان أثبت ده
جيت متأخر
بص في ساعته و قال بس الساعة لسه تسعة !
جيت متأخر يعني أستنيتك كتير كتير أوي لدرجة إن الإنتظار مل مني كنت مستنياك تشوفني لو لمرة واحدة مرة واحدة بس لكن كنت متجاهل قلبي
الصدف غريبة كان الجو هادي
