انا وحماتي
مصروف البيت في أيدي بس الظاهر ان مراتك مش عجبها
محمود
ومالو ياماما امسكي المصروف وهي مش هيعجبها ليه أن شاء الله دي فلوسي وانتي امي وكل حاجة هنا ملكك
الام
طيب قول لمراتك بقا وعرفها
محمود
ادي مصروف البيت لأمي يامروة
مروة
ازاى الكلام ده يامحمود مش هي.......
محمود
ولا كلمة زيادة انا قولت اديها المصروف يعنى اديها المصروف
شيماء
اما انا بقا عاملة شوية سمك ياحودة هتاكل صوابعك وراهم هاقوم احضر لك الاكل
الام
استني هنا تقومي فين مش كفاية انك طبختي خلي مراتك تروح تحضر لنا الاكل وتجيبة على السفرة هنا وتخدم علينا
محمود
حاضر ياماما
ونده عليا محمود ودخلت حضرت ليهم الاكل واكلو وفضلو يهزرو وسابوني ولا كأني موجوده في البيت
انتي اتاخرتي ليه كده يابنتي بس
شيماء
اتأخرت ولا متاخرتش انتي مالك انتي هتحااسبيني ولا ايه
الحما
لا مش هحاسبك ولا حاجة بس جوزك اتصل وكان عايز يكلمك وانا قولت له انك عند مامتك
شيماء
ومتصلش عليا ليه ولا تلاقيكي قولتي له اني سبتك من غير اكل ورحت اكل عند مامتي
الحما
ورنت شيماء علي جوزها وزعق ليها وقال
اسامه
انتي ازاى تسيبي امي طول النهار وتروحي تقعدي عند امك انتي لسه راجعة دلوقتي من عندها ولا ايه وفي الوقت ده ردت پخوف وقالت
شيماء
لا لا ياحبيبي انا راجعة من بدري بس اصل انا دخلت نمت شوية ولسه صاحية دلوقتي وكمان هي لسه قايلالي دلوقتي حالا ومقالتش انك اتصلت اصلا شكلها كانت ناسية
ااه ماشي بقولك ياشيماء خلي بالك من امي اوعي تزعليها دي هي خيرها علينا وهي السبب وفي النعمة اللي انا فيها دلوقتي لوما هي ساعدتني بفلوسها مكنتش عرفت اسافر
شيماء
انت بتوصيني على مامتك يا اسامة دي زي ماما بالظبط وربنا يعلم انا بعاملها ازاى حتى هي قاعدة جنبي اهي كمان اسألها
كل ده وحماتها اقعده مزهولة من اللي هي بتقوله لجوزها
انا عارف ياحبيبتي انك بتعامليها كويس بس انا قولت يعنى أأكد عليكي تخلي بالك منها يلا انا هقفل بقا عشان الحق انام لاني بصحي للشغل من بدري سلام
وقفل أسامة مع شيماء وقالت لحماتها
شيماء
انتي ياوليه انتي بتقولي ايه لابنك لما بيكلمك طبعا بتشتكي له مني مش كده
الحما
والله ابدا يابنتي وانا اشتكي له منك ليه واشيلة الهم وهو في الغربة انا متكلمتش معاه في حاجه هو اتصل وسأل عليكي وانا فضلت ادعي له
ااه بحسب طيب يلا ادخلي نامي عشان تقومي من بدري تحضر لي الفطار وتوضبي البيت انا داخله انام وسبتها ودخلت
وعندي في شقتي حماتي قالت لمحمود
الحما
يلا ياحبيبي عشان ندخل ننام جوه في اوضتك
محمود
لا ادخلي انتي ياماما وانا ومروة هنام في الصالون هنفرش حاجة في الأرض وننام عليها
الام
نعم لا طبعا ياحبيبي انت ماتنمش على الأرض ده تقوم الصبح جسمك مكسر من نومة الأرض تعالي نام جنبي على السرير وهي تنام على الأرض اهي متعوده على كده
بصتلها پصدمة ومعرفتش انطق ومحمود قال
محمود
لا معلش ياماما مټخافيش عليا انا هعرف انام على الأرض يلا بس ادخلي انتي
الام
طيب والله يامحمود لو مادخلت معايا جوه لاكون غضبانه عليك وزعلانة منك انت فاهم ولا لا
محمود
طيب خلاص ياماما يلا ندخل ننام جوه وانتي يامروة نامي هنا
ودخلوا الاوضه وسابوني وفضلت صاحية طول الليل واكلم نفسي
مروه
ياربي هو ايه اللي بيحصلي ده بس هي الست دي بتعمل معايا كده والله لوما عارفة الظروف اللي امي
فيها كنت سبت لها البيت
