صفقه مع الشيطان
بيت الاستاذ خالد الالفي
نور ايوة اتفضل
_الجواب ده من شركة يحيى شاكر للاستيراد والتصدير والمدير بنفسه باعت الجواب
خالد سمع اللي اتقال واټصدم ماصدقش ان اللي بيسمعه وهل ممكن يتحقق بالسرعة دي وبالمصداقيه دي اخد بسرعة الجواب وفتحه وقرأ اللي فيه
تدعو شركة Roznama للاستيراد والتصدير الخاصة ب يحيى شاكر
استاذ خالد الالفي بالحضور الى مقر الشركة والتكرم بالموافقة على انضمامه لفريق العمل بالشركه
نور خالد ده بجد.. يا كريم يارب احنا الاتنين في يوم واحد.. ده اكيد ربنا راضى عننا اوى علشان يهادينا بالهدية دى عشان يحللنا المشاكل دي كلها
خالد بعقل مغيب ولكن بابتسامة فرح
ايوة هي فعلا هدية ي نور هي فعلا هدية
دخل خالد اوضته وقفل الباب بالمفتاح وقفل الشباك. وبدأ ينده عليه.
فجاة مشيت رعشة في جسمه لما حس بحد وراه لف وشه لقاه قدامه بوشه الحقيقي وهيأته المخيفه ودي المرة التانية اللي خالد يشوفه فيها بنفس المظهر البشع ده.
بس النعيم والمركز اللي متأمل انه يحصل عليه والعيشه المرتاحه من غير مشاكل خلاته نسى مين اللي قدامه
الشيطانها ايه رايك بقى بوفي بوعدي ولا لا
الشيطانلا توقع معايا اى حاجه مستحيله..احلم وبس.. بس كمان اوعى تنسى دورك والاتفاق اللى بينا
خالد بتربصحاضر بس.. المفروض ارد جميلك ده ازاي وايه اللى هتعوزه منى
الشيطان بخبثدورك هيجي قريب متقلقش بس المهم دلوقتي كل طلباتك تطلبها منى واوعى عقلك يقولك انى فى حد غيرى يقدر ينفذ وكلمة الحمد والشكر تبقى ليا انا لوحدي وتطيعني في كل اوامري
عقل خالد كان مغيب ومتسيطر عليه لدرجة انه مفهمش انو عايز يبعده عن ربنا ويلجأله هو وميشكرش ربنا ويشكره هو نسي ان المشكور والمحمود الوحيد
على النعم والابتلاء هو ربنا بس الشيطان المرة دي غلبه وقدر يسيطر على عقله بكل خضوع منه...
نور بقى محامي مشهور وفتح مكتبه الخاص بفلوس اخوه وجاله قضايا كتير وكسبهم كلهم وبقى مطلوب دايما بالاسم في القضايا الكبيرة
نور كان عارف ان تعبهم ربنا هيكافئهم عليه ومش هينساهم
نور وخالد قاعدين مع بعض في بيتهم الجديد اللي خالد اشتراه
بس نور لاحظ حاجة غريبة في اخوه مش ده خالد بتاع زمان حاسس ان الشغل الجديد غيره حتى صحابه اللي كانوا بييجوا عندهم معدش حتى بيسمع اسمهم وعلاقته بيهم اتقطعت و حاسس انه بقى دايما بيتكلم في الفلوس والمناصب وانه دايما عايز اكتر من اللي اللى معاه
نور بقولك ايه ي خالد انا كنت عايز اكلمك في موضوع كدا شاغلنى شويه
خالد قول يانور عايز ايه.. عايز فلوس
نور لا مش عايز فلوس ومش كل حاجه الفلوس يا خالد انت بقيت غريب اوى الفترة دي وكمان انت مش ملاحظ انك بعدت عن ربنا حتى الصلاة مابقتش بشوفك بتصلي ولا بتدعيلي كل شوية زي ماكنت بتعمل زمان بقيت تتكلم في الفلوس والشركات والمكسب والعلاقات ورغم كل ده مبتشكرش ربنا على اللي انت فيه انت بقيت غريب يا خالد
بقلم حنين ياسر خالد پغضب انت متعرفش حاجة..متعرفش انا عملت ايه عشان اوصلنا للي احنا فيه ده فبلاش تعمل كبير عليا وتفضل كل شويه تنقضنى كدا احسنلك تسكت
نور اتعصب وقاله ليه عملت ايه ها تقدر تقولي عملت ايه انت مكانش ليك اي دخل في موضوعي ولا حتى روحت ليحيى شاكر وقدمت ورقك عشان يقبلوك دي كلها تدابير ربنا..ربك بيهادينا على تعبنا في حياتنا.. تقدر تقولي انت عملت ايه
خالد بكبرملكش دعوة انا عملت ايه ولا ليك انك تسال السؤال ده.. لان انا مش هينفع اقولك على حاجه
الغشاوة اللي كانت على عين خالد عماته لدرجة انه مبقاش شايف غير انه لولا ان ظهرله الشيطان وهو وافق ووقع بروحه على الصفقة مكانش ده كله حصل ولكن بسبب كلام اخوه في حاجه جواه اتهزت وحس انه في حاجه
غلط بتحصل.. راح اوضته وقفل الباب وبقت عادته انه يقعد في الضلمة عشان لو ظهرله الشيطان في اي وقت..
بدا خالد يفكر هو ايه اللي خلاه يبقى كدة وازاي بقا بعيد عن ربنا كدا غريزته الطيبه لسه صاحيه جواه و فجاة وهو غرقان فى تفكيره ظهرله الشيطان وهو متجسد في الشخص اللي ظهرله اول مرة.
وفجأه حصل اللي شئ غريب.
الشيطان امممم بتفكر ياخالد ده بقى اللي كنت عامل حسابه.. بقى من كلمة واحدة من اخوك تتهز بالطريقة دى اخوك اللى عمره ماهيفهم انت مريت بايه عشانه ولا هيقدر يعمل زيك لان فكره غلط.. انت شوفت بعينك اللي بطتلبه بيتحقق وفي لحظتها لكن
هو مش هيفهم ده بس كفاية انت عارفه
خالدبس هو عنده حق.. انا فعلا بعدت عن ربنا..انت عمتنى..انت شيطان
جملة واحدة قدرت تولع ناره وتخليه متعصب لدرجة كبيرة
الشيطانانت قريب مني انا متنساش انك بيعتلي روحك وده كان بموافقتك متجيش دلوقتي تنقض العهد واحنا قدامنا طريق طويل عشان ننتقم
خالد وكأنه نسى اللى كان بيقوله وسالهننتقم..ننتقم من مين
ابتسم بخبث انه قدر ينقله بتفكيره زى ما هو عايز بكل سهولة ومكر
الشيطانانت نسيت اللي ظلموك نسيت اللي حط الشيكات في مكتبك عشان تترفد وظلمك نسيت كم الاھانة اللي اخدتها على كل كبيرة وصغيرة في الشركة دى
تؤ تؤ تؤ انت المفروض تبقى مركز الفترة اللي جاية عشان نفضى للاڼتقام منهم كلهم
وفي لحظة كان اتعمل ل خالد غسيل مخ تام قبل ما يراجع نفسه ويرجع لربنا ويبدا يفكر في طريقة للرجوع كان دايما الشيطان سابق بخطوه عنه وبيصعب عليه فكرة رجوعه مره تانيه
ويخليه دايما تحت امره هو.. وده اللي الشيطان موجود عشان يعمله مع بني الانسان يضعفه ويلهيه
خالدوانا جاهز بس قولى هنعمل معاهم ايه
الشيطانانت اطلب وانا تحت امرك....
فات شهر وخالد فكرة الاڼتقام مفارقتش دماغه ولا لحظة بس كان
بيخطط ايه العقاپ اللي يستاهلوه..
نزل من عربيته قدام شركته القديمة اللي كان بيشتغل فيها ووقتها افتكر
كل الاھانة اللي اتعرضلها والظلم اللى شافه من مديره والناس اللي كانوا حاقدين عليه
وعلى مكانته فى الشركه وخاصة.. محمود
دخل الشركة بكامل اناقته وبشكل تانى خالص غير اللى كان عليه كان لابس بدله احدث اصدار من ماركة Gucci وساعته ال Rolex دخل خالد بشموخ وتكبر لدرجة ان كل اللي في الشركة
